ISharks izoholwa uSiya Kolisi koweVUR neZebre
SIHLE NGUBO
USiya Kolisi uzohola iHollywoodbets Sharks emdlalweni weVodacom United Rugby Championship, lapho izobhekana neZebre Parma eHollywoodbets Kings Park, ngoMgqibelo ntambama.
UVincent Tshituka ubuyile ekulimaleni kanti uzothatha indawo kaLappies Labuschagne kubadlali baphambili.
Izelamani uJaden noJordan Hendrikse, zizodlala emuva kanti uGrant Williams akekho kulo mdlalo ngenxa yokulimala.
Omunye umdlali obuyile uMakazole Mapimpi, okuchaza u-Ethan Hooker
noJurenzo Julius bazodlala ngokubambisana esiswini, okungolunye ushintsho eqenjini elishaye i-Emirates Lions ngempelasonto edlule.
U-Andre Esterhuizen ubuyile ekulimaleni kanti ukhona eqenjini yize ezoqala ebhentshini.
UJurenzo Julius, ephawula ngokuthola kwakhe umklomelo iJunior Springbok of the Year Award, uthe: “Ukunqoba umklomelo kube yinto enkulu. Bengisebenza kanzima futhi ngiyajabula ukuthi ngiwine umklomelo.”
Mayelana nomdlalo lapho bezobhekana neZebre, uthe kuzoba yinselelo enkulu kodwa kumele babhukule.
“Silindele ukulwa, impi yamandla. Sebeshaye amaqembu amakhulu ambalwa ngakho silindele ukuthi bafike lapha bazame ukusiphoxa.
“Basele ngamaphuzu ambalwa ngaphandle kweTop 8 ngalokho akumele sikuthathe kancane lokho.”
Selilonke iqembu limi kanje:
1. Ox Nche
2. Bongi Mbonambi
3. Vincent Koch
4. Jason Jenkins
5. Emile van Heerden
6. Phepsi Buthelezi
7. Vincent Tshituka
8. Siya Kolisi (ukaputeni)
9. Jaden Hendrikse
10. Jordan Hendrikse
11. Makazole Mapimpi
12. Ethan Hooker
13. Jurenzo Julius
14. Yaw Penxe
15. Henry Immelman
Ebhentshini:
16. Fez Mbatha
17. Ntuthuko Mchunu
18. Hanro Jacobs
19. Corne’ Rahl
20. James Venter
21. Bradley Davids
22. Francois Venter
23. Andre Esterhuizen
Laba abadlali abalimele:
Aphelele Fassi
Bryce Calvert
Dylan Richardson
Eben Etzebeth
Gerbrandt Grobler
Grant Williams
Jaco Williams
Khwezi Mona
Lukhanyo Am
Marnus Potgieter
Siya Masuku
