URabada obenenkinga usesikwatini samaProteas esiya eLord’s

SIHLE NGUBO 

UKagiso Rabada ukhona esikwatini seNingizimu Afrika esizobhekana ne-Australia emdlalweni wamanqamu we-World Test Cricket (WTC) eLord’s Cricket Stadium, e-England, kusukela ngoJuni 11.

Kuke kwaba novalo ngoRabada, ongumshwibi ophambili kumaProteas, kulandela ukubuya kwakhe kwi-Indian Premier (IPL) e-India, ngemuva kokutholakala kwesikhuthazi esingafuneki emzimbeni wakhe.

Nokho kubukeka sengathi konke kulungisiwe noRabada njengoba iCricket South Africa (CSA) imvumele ukuthi alibangise eLord’s namaProteas ngenyanga ezayo.

NgoMsombuluko kuvele ukuthi lo mdlali usevunyelwe ukuphinde adlale ikhilithi. Kufanele ukuthi lokhu kuyikhululile iCSA njengoba ibifuna ukumemezela isikwati ngoLwesibili.

Abadlali abangekho esikwatini uGerald Coetzee no-Anrich Nortje bobabili abebehlushwa ukulimala kulezi izinyanga ezedlule. Omunye ongekho uRassie van DER Duusen.

Ngaphandle kwalokho abekho abadlali okumangazayo ukuthi bazoba seqenjini elizoholwa ukaputeni uTemba Bavuma.

Okokuqala ngqa iNingizimu Afrika iyodlala owamanqamu we-WTC. Kunethemba lokuthi amaProteas azobuya engabanqobi e-England uma kubhekwa umgqigqo omuhle abenawo emidlalweni yeTest.

Selilonke iqembu limi kanje:

UTemba Bavuma (ukaputeni), David Bedingham, Corvin Bosch, Tony de Zorzi, Marco Jansen, Wiaan Mulder, Keshav Maharaj, Aiden Markram, Lungi Ngidi, Kagiso Rabada, Dane Peterson, Senuran Muthusamy, Ryan Rickelton, Triston Stubb’s noKyle Verreynne