URibeiro weDowns unethuba lemiklomelo emithathu yePSL

SIHLE NGUBO

Umdlali weMamelodi Sundowns, uLucas Ribeiro Costa, usethubeni elihle lokukhala emuke nemiklomelo emikhulu uma iPremier Soccer League (PSL) seyiklomelisa abadlali abenze kahle ngesizini ka-2024/2025.

Lo mdlali waseBrazil ushaye into ecokeme kuBafana Ba’Style ngesizini edlule, futhi kumfanele ukuqokelwa imiklomelo emikhulu.

URibeiro uzobanga umklomelo iFootballer of the Season noKeletso Makgalwa (Sekhukhune United), noRelebohile Mofokeng (Orlando Pirates).

Bobathathu laba badlali bazophinde babangisane iBetway Premiership Players’ Player of the Season, ngenxa yomgqigqo abawukhombisile ngesizini edlule.

URibeiro unethuba lokuthola imiklomelo emithathu njengoba ezophinde anikwe umklomelo womdlali oshaye amagoli amaningi kunabo bonke ngesizini edlule.

Lo mdlali uqede isizini esehlohle amagoli angu-16 emidlalweni yeBetway Premiership ngesizini edlule.

Ubexinwe kanzima uzakwabo kwiSundowns, u-Iqraam Rayners, oqede enamagoli angu-14.

Kubaqeqeshi (iBetway Premiership Coach of the Season) kuzobangisana uSteve Barker (Stellenbosch FC), uMiguel Cardoso (Mamelodi Sundowns), noJose Riveiro (Orlando Pirates).

UCardoso kulindeleke ukuthi kube uyena othola lo mklomelo ngoba iSundowns ibe ngompetha beligi, okwesishiyagalombili kulandelana.

KwiBetway Premiership Young Player of the Season kukhona uMalibongwe Khoza (Mamelodi Sundowns), uRelebohile Mofokeng noMohau Nkota (be-Orlando Pirates).

U-Elvis Chipezeze (Magesi United), uRonwen Williams (Mamelodi Sundowns) noSipho Chaine, kuzokhethwa kubona ozothola umklomelo iBetway Premiership Goalkeeper of the season.

Nonyaka kufakwe imiklomelo emithathu emisha kwiMotsepe Foundation Championship.

Kwi-Players’ Player of the Season kukhona uBanele Hlophe (JDR Stars), uJoslin Kamatuka (Durban City FC), noMuzomuhle Khanyi (Hungry Lions).

ULuke Baartman (Cape Town Spurs), uTeboho Lekhatla (Casric Stars), noSiphamandla Mhlongo (Milford FC) bafakwe kwiYoung Player of the Season.

U-Emile Lako (Casric Stars), uSekhoane Moerane (Orbit College), noDumsani Msibi (Durban City FC) babanga iGoalkeeper of the season.

 

Sebebonke abaqokiwe bami kanje:

Footballer of the Season: 

Lucas Ribeiro Costa (Mamelodi Sundowns), Relebohile Mofokeng (Orlando Pirates), Keletso Makgalwa (Sekhukhune United)

Players’ Player of the Season:

Lucas Ribeiro Costa (Mamelodi Sundowns), Relebohile Mofokeng (Orlando Pirates), Keletso Makgalwa (Sekhukhune United)

Midfielder of the Season: 

Makhehleni Makhaula (Orlando Pirates), Teboho Mokoena (Mamelodi Sundowns), Marcelo Allende (Mamelodi Sundowns)

Coach of the Season: 

Miguel Cardosso (Mamelodi Sundowns), Jose Reveiro (Orlando Pirates), Steve Barke (Stellenbosch FC)

Goalkeeper of the Season: 

Elvis Chipezeze (Magesi FC), Ronwen Williams (Mamelodi Sundowns), Sipho Chaine (Orlando Pirates)

Young Player of the Season:

Relebohile Mofokeng (Orlando Pirates), Mohau Nkota (Orlando Pirates), Malibongwe Khoza (Mamelodi Sundowns)

MTN8 Last man standing:

Fawaad Basadien (Stellenbosch FC), Deon Hotto (Orlando Pirates), Relebohile Mofokeng (Orlando Pirates)

Nedbank Cup player of the Tournament:

Inacio Miguel, Pule Mmodi, Gaston Sirino (Kaizer Chiefs)

Nedbank Cup Promising player of the Tournament:

Muhau Nkota, Relebohile Mofokeng, Mbekezeli Mbokazi (Orlando Pirates)

Carling Knockout Cup player of the Tournament:

Elvis Chipezeze (Magesi FC), Edmore Chirambadare (Magesi FC), Iqraam Rayners (Mamelodi Sundowns)