UHugo Broos ubize abalimele nabangadlali esikwatini seBafana
SIHLE NGUBO
Umqeqeshi weBafana Bafana, uHugo Broos, ubize abadlali abangadlali nabalimele eqenjini lakhe elizodlala imidlalo yokuhlunga yeNdebe yoMhlaba ngenyanga ezayo.
Kuleli qembu kusazohlungwa kusale abangu-23 kodwa okuqaphelekayo ukuthi lo mqeqeshi waseBelgium kukhona abadlali abafake eqenjini lakhe belimele washiya abayimiqemane.
IMamelodi Sundowns isanda kuqinisekisa ukuthi uThemba Zwane uzohlala izinyanga ezimbili engadlali ngenxa yokulimala kodwa ukhona esikwatini seBafana.
Omunye umdlali ongadlali ngenxa yokuthinteka uNkosinathi Sibisi ongukaputeni we-Orlando Pirates.
Naye lo mdlali wasemuva, oke wayibamba kwiLamontville Golden Arrows, ukhona eqenjini likaBroos.
Omunye umdlali ongewona umqemane ngokwanele uThapelo Morena osanda kubuya ekulimaleni.
Ngakolunye uhlangothi uBathusi Aubass usaqale umdlalo owodwa kuphela selokhu kuqale isizini kodwa umbizile uBroos.
Umdlali wasemuva weMamelodi Sundowns, uKhuliso Mudau, akakadlali kule sizini kodwa ukhona esikwatini seBafana.
Okuqaphelekile ukusala ngaphandle komdlali weKaizer Chiefs odlala kahle selokhu kuqale isizini, uThabiso Monyane.
Nokho bakhona eqenjini abadlali beKaizer Chiefs, uBradley Cross noMduduzi Shabalala.
IBafana izobhekana neLesotho emdlalweni wokuhlunga ngoSepthemba 5.
Kolandelayo iqembu lakuleli lizobhekana neNigeria ngoSepthemba 9.
Selilonke iqembu limi kanje:
Onozinti: Ronwen Williams (Mamelodi Sundowns FC), Ricardo Goss (Swallows FC), Renaldo Leaner (Sekhukhune United FC), Sipho Chaine (Orlando Pirates FC).
Izitobha: Khuliso Mudau (Mamelodi Sundowns FC), Darren Johnson (AmaZulu FC), Sydney Mobbie (Swallows FC), Khulumani Ndamane (TS Galaxy FC), Thabo Maloisane (Stellenbosch FC), Nkosinathi Sibisi (Orlando Pirates FC), Mbekezeli Mbokazi (Orlando Pirates FC), Sipho Mbule (Orlando Pirates FC), Themba Zwane (Mamelodi Sundowns FC), Samukelo Kabini (Mole FK Norway), Fawaaz Basadien (Mamelodi Sundowns FC), Thapelo Morena (Mamelodi Sundowns FC), Mihlali Mayambela (Aris Limassol Cyprus), Keegan Allan (AmaZulu FC), Zuko Mdunyelwa (Mamelodi Sundowns FC), Ime Okon (Hannover Germany), Malibongwe Khoza (Mamelodi Sundowns FC), Bradley Cross (Kaizer Chiefs FC), Vuyo Letlapa (Sekhukhune United FC), Lyle Foster (Burnley FC England).
Esiswini: Thalente Mbatha (Orlando Pirates FC), Ndumulelo Maphangule (Polokwane City FC), Luke Le Roux (Portsmouth FC England), Sipheshile Mkhize (Sekhukhune United FC), Evidence Makgopa (Orlando Pirates FC), Devin Titus (Stellenbosch FC), Oswin Appollis (Orlando Pirates FC), Patrick Maswanganyi (Orlando Pirates FC), Tshepang Moremi (Orlando Pirates FC), Iqraam Rayners (Mamelodi Sundowns FC), Puso Dithejane (TS Galaxy FC).
Amafolosi: Mohau Nkota (Ettifaq FC Saudi Arabia), Relebohile Mofokeng (Orlando Pirates FC), Kamogelo Sebelebele (Orlando Pirates FC), Ashley Cupido (Stellenbosch FC), Bathusi Aubaas (Mamelodi Sundowns FC), Siyabonga Ngezana (FCSB Romania), Jayden Adams (Stellenbosch FC), Aubrey Modiba (Mamelodi Sundowns FC), Teboho Mokoena (Mamelodi Sundowns FC), Deano Van Rooyen (Orlando Pirates FC), Mduduzi Shabalala (Kaizer Chiefs FC), Bongokuhle Hlongwane (Minnesota SC).
