I-Pirates kulindeleke iwole imiklomelo yePSL

SIHLE NGUBO

Kulindeleke ukuthi ompetha beligi, i-Orlando Pirates, bashanele imiklomelo uma iPremier Soccer League (PSL) seyiklomelisa abadlali abenze kahle ngesizini ka-2025/2026.

Lokhu kuhlaluke ngesikhathi iPSL iveza amagama abadlali abasethubeni lokukhala bemuke nemiklomelo, ngoLwesihlanu ntambama.

I-Pirates inabadlali abaqokiwe emiklomelweni eminingi, nokuyinika ithuba lokuthola imiklomelo eminingi kunamanye amaqembu eBetway Premiership.

Kuzokhethwa kuKhuliso Mudau (Mamelodi Sundowns), uLebone Seema (Orlando Pirates) noNkosinathi Sibisi (Orlando Pirates), kozokhala emuke weBetway Premiership Defender of the Season.

Akabonwa kulokhu unozinti weMamelodi Sundowns, uRonwen Williams, kwabazobanga iBetway Premiership Goalkeeper of the Season.

Kukhona uSipho Chaine (Orlando Pirates), uRicardo Goss (Siwelele FC) noBrandon Petersen (Kaizer Chiefs).

NakwiBetway Premiership Midfielder of the Season, kuzobhekwa abeBucs njengoba kukhona u-Oswin Appollis (Orlando Pirates), uRelebohile Mofokeng (Orlando Pirates) noTeboho Mokoena (Mamelodi Sundowns).

IBetway Premiership Players’ Player of the Season izobangwa u-Oswin Appollis (Orlando Pirates), uRelebohile Mofokeng (Orlando Pirates) noKamogelo Sebelebele (Orlando Pirates).

IBetway Premiership Coach of the Season izobangwa uMiguel Cardoso (Mamelodi Sundowns), uCedric Kaze noKhalil Ben Youssef (Kaizer Chiefs)no-Abdeslam Ouaddou (Orlando Pirates).

IBetway Premiership Goal of the Season izokhethwa kwelikaCamren Dansin (Orlando Pirates), uGlody Lilepo (Kaizer Chiefs) noSiyanda Ndlovu (Lamontville Golden Arrows).

KwiBetway Premiership Young Player of the Season, kukhona u-Isaac Cisse (Lamontville Golden Arrows), uSeluleko Mahlambi (TS Galaxy FC) noRelebohile Mofokeng (Orlando Pirates).

Umklomelo omkhulu kunayo yonke, iFootballer of the Season, uzobangwa u-Oswin Appollis (Orlando Pirates), uRelebohile Mofokeng (Orlando Pirates) noTeboho Mokoena (Mamelodi Sundowns).

KwiMTN8 Last Man Standing, kubanga u-Oswin Appollis, uTshepang Moremi noKamegelo Sebelebele, bonke okungabadlali bePirates.

UWashington Arubi (Marumo Gallants), uMbekezeli Mbokazi (Orlando Pirates) noNdabayithethwa Ndlondlo, babanga umklomelo iCarling Knockout Cup player of the Tournament.

KwiNedbank Cup Promising Player of the Season, kuzokhethwa phakathi kukaKyle Jurgens (Durban City), uSeluleko Mahlambi (TS Galaxy) noLuphumlo Sifumba (Durban City).

INedbank Cup Player of the Tournament, iya kwiDurban City njengoba ibangwa abadlali bayo uDarren Keet, uSiphamandla Ncanana noBrooklyn Poggenpoel.

ICape Town City nayo izihambela yodwa kwiMotsepe Foundation Championship Young Player of the Season.

Abadlali bayo abathathu ababangayo uGabriel Amato, uKayden Fortune no-Emile Witbooi.

KwiMotsepe Foundation Championship Goalkeeper of the Season, kuncintisana uMalcom Jacobs (Venda Football Club), uSiphamandla Hleza (Milford FC) noMickey Van Der Hart (Cape Town City).

IMotsepe Foundation Championship Players’ Player of the Season, izophuma kuKhethukuthula Ndlovu (Kruger United) uRonaldo Van Neel (Hungry Lions) no-Emile Witbooi (Cape Town City).

I-DStv Diski Challenge Player of the Season, kukhona uLebo Mohlala (Orlando Pirates), uBennet Mokoena (Mamelodi Sundowns) noMpho Padimo (Orlando Pirates).

Abazobanga umklomelo kanompempe wesizini u-Eugene Mdluli, u-Abongile Tom noMoreki Lekwapa.

Abazothola imiklomelo bazomenyezelwa ngoMsombuluko kaJulayi 27, kanti konke kuyosakazwa kwiSABC.