Ithemba ngeMandela Marathon KwaZulu-Natal
By Alfred Ngubane
Ungqongqoshe wezemidlalo obambile KwaZulu Natal, uBongi Sithole-Moloi ubehambele umjaho iMandela Marathon 42km eQunu naseMvezo, e-Eastern Caoe.
Bekungumjaho wokuqala kuleya ndawo kulandela kanti bewugijinyelwa khona kulandela umdonsiswano omude okhona KwaZuluNatal.
Lo mjaho ubusuka noma uphelele eHowick endaweni lapho kwaboshelwa khona uNelson Mandela ngeminyaka yobandlululo.
Umzukulu kaNelson Mandela, uMandla Mandela wakhala ngosopolitiki abazinothisa bona ngalo mjaho, bese bekhohlwa abasubathi neMandela Foundation.
Lo mjaho uzophinda uqhubeke nakwezinye izifundazwe zakuleli. Njemanje KwaZulu-Natal kusemnyama ngalo mjaho njengoba bengekho abafake isicelo sokuwusingatha.
Ngonyaka odlule iKwaZulu Natal Athletics ike yazama ukuwuhlela. Kodwa igcine ngokuthi ishiye phansi njengoba uMgungundlovu District Municipality washaya phansi ngonyawo wathi ngeke bakubone lokho.
FUNDA NALA: Inhlanhla ukudlala neDonws ixakekile, kodwa iMaritzburg iyasola
Wabhuntsha kanjalo ke. Khonamanjalo uMandla Mngomezulu oyiphini likamengameli kwiKZN Athletics, uthi bavule izandla kulabo abafuna ukuhlela lo mjaho.
“Ukuba khona kwawo kubeka isifundazwe emephini yomhlaba kuphinde kungenise umnotho omningi kulesi sifundazwe,” kusho uMngomezulu.
