Selikhathazekile elaseRomania ngoSiya Ngezana ongafiki
Sihle Ngubo
Iqembu laseRomania iFC SB seliqala ukukhathazeka ngokuthi uSiyabonga Ngezana akakalijoyini, yize sekusele inyanga kuphela ukuthi iligi iqale.
“Inkinga yethu enkulu njengamanje ukuletha uSiya (Ngezana) lapha. Kunezinkinga ezikhona mayelana neVisa.
“Esikuthole namuhla nje akuzona neze izindaba ezinhle kodwa ngithemba ukuthi sizokuthola ukuzwana kahle nabaphethe,” kusho umqondisi weFCSB uMihia Stocia kwabe-Unplayable.
“Ungumdlali webhola futhi isizini iyaqala esikhathini esingaphansi kwenyanga. Kumele okungasenani azame ukwazana nabanye ozakwabo.”
Into eshodayo yiPolice Clearance Certificate (PCC) ekhishwa yiSouth African Police Service (SAPS) nezohambisana nesicelo sakhe seVisa. I-FC SB izoqala ukulungiselela isizini eNetherlands ngoLwesine.
USiyabonga Ngezana ubeyibamba kwiKaizer Chiefs emuva. Kumangale wonke umuntu ngesikhathi leli qembu laseNaturena liveza ukuthi selimdayisele elaseRomania emasontweni edlule.
UMBONO: IChiefs igembulile ngoMolefi Ntseki, kodwa…
Lo mplali uke wanyamanambana kubalandeli ngesizini edlule kulandela ukwenza amaphutha bebhekene neMamelodi Sundowns. Kulowo mdlalo iChiefs yashaywa ngo 4-0.
