ISundowns Ladies izohlonipha u-Alex Shakoane ngeseCaf
Alfred Ngubane
UZanele Nhlapho ongukaputeni weMamelodi Sundowns Ladies, uthi bafuna ukunqoba seCaf Champions League ukuhlonipha ngaso u-Alex Shakoane.
Lesi sikhulu seSundowns esiwe sivuka neqembu iminyakanyaka sishone ngenyanga edlule ngemuva kokugula isikhashana.
UZanele uthi bayalwazi uthando olunzulu u-Alex Shakoane abenalo ngeSundowns, okuyikho okwenza bafune ukumhlonipha.
“Yingakho sidlala kahle nje kwiHollywoodbets Super League ngoba sifuan ukuyinqoba bese sidlulela kwiChampions League,” kusho uZanele.
ISundowns Ladies iyazitamuzela ke nje emaqenjini akule ligi kodwa uZanele uthi akulula njengoba kubukeka. Kulokhu ixinwe kabi yi-University of Wesetern Cape.
Labaqembu ashiyana ngamaphuzu amabili phezulu kwilogi. ISundowns iphezulu ngamaphuzu angu-39, i-UWC isezithendeni ngangu-37.
Kodwa i-UWC yona isanomdlalo esilele ngawo emuva njengoba isadlale enu-17, iSundowns inengu-18.
“Iqiniso wukuthi amaqembu esidlala nawo awalula nhlobo manje. Ayazimisela uma ngabe edlala nathi.
“Kodw ake nngenhlanhla nje iMamelodi Sundowns Ladies yiqembu elikhulu, elinabadlali abanohlonzo,” kusho le ntokazi.
ISundowns Ladies ibophele nabadlali abaphuma ngaphandle kwakuleli. “Sinabadlali abaningi abadlalela amaqembu esizwe ngakubo,” kuphetha uZanele.
ISundowns Ladies izoke ime ukudlala kule nyanga njengoba iningi labadlali bayo besekhempini yeBanyana Banyana elungiselela iNdebe yoMhlaba.
ISundowns Ladies inabadlali abayisithupha kuleli qembu eliqokwe nguDesree Ellis elizodlala eNdebeni yoMhlaba e-Australia naseNew Zealand ngenyanga ezayo.
Lime kanje leli qembu leBanyana:
Onozinti: Andile Dlamini (Mamelodi Sundowns FC); Kaylin Swart (JVW FC); Kebotseng Moletsane (Royal AM)
Izitobha: Karabo Dhlamini (Mamelodi Sundowns FC); Fikile Magama (UWC); Lebohang Ramalepe (Mamelodi Sundowns FC); Tiisetso Makhubela (Mamelodi Sundowns FC); Noko Matlou (SD Eibar); Bambanani Mbane (Mamelodi Sundowns FC); Bongeka Gamede (UWC)
Abasesiswini: Kholosa Biyana (UWC); Refiloe Jane (Sassoulo FC); Sibulele Holweni (UWC); Linda Mothalo (Glasgow City); Nomvula Kgoale (TS Galaxy); Robyn Moodaly (JVW FC)
FUNDA NALA: IRichards Bay ivule isango, kwaphuma abadlali abane
Abagadli: Gabriela Salgado (JVW FC); Jermaine Seoposenwe (C.F. Monterrey); Noxolo Cesane (Unattached); Melinda Kgadiete (Mamelodi Sundowns FC); Wendy Shongwe (University of Pretoria); Hildah Magaia (Sejong Sportsoso); Thembi Kgatlana (Racing Louisville).
