ILimpopo ithe ‘chooo’ kwiSafa ngemidlalo yeBafana
Njabulo Shezi
Uhulumeni wesifundazwe iLimpopo uyichithile iSafa ebifuna ukuba imidlalo emibili yeBafana Bafana elandelayo idlalelwe khona.
Kuthiwa iSafa izama inkundla esendaweni onesimo sezulu esicishe sifane nesase-Ivory Coast la iBafana izozilungiselela khona.
Kodwa iLimpopo iyichithile ikhala ngokuthi ayimile kahle ngokwezezimali futhi kusamele ingoqe impela.
IBafana izodlala kwiCaf Africa Cup of Nations e-Ivory Coast ngoJanuwari kanti inemidlalo emibili yokuzilungiselela ngaphambi kwalokho.
IBafana izogadulisana neNamibia ngoSepthemba 12, bese iphinde izwane amandla neDR Congo ngoSepthemba 12.
Le midlalo iiyingxenye yokulekelela leli qembu likaHugo Broos ukuthi lizilungiselele kahle ukuyodlala kwi-Afcon.
Ukuchithwa iLimpopo kweSafa kuvulele ezinye izifundazwe ithuba lokuba iye kuzo le midlalo.
Kuvela ukuthi iGauteng iyona ehamba phambili, ilandelwe yi-Eastern Cape neKwaZulu Natal.
FUNDA NALA: I-Arrows isayine abathathu, kukhona nobekwiPirates
UBroos usanda kumemezela iqembu azoqoka kulo abadlali azodlala ngabo le midlalo emibili.
