Uzibophezela ukuqhathela eMtshezi ‘uDon King’ waseKZN
Alfred Ngubane
IHlula Dladla Boxing Promotion ngokuhlanganyela neNhle Jobe Boxing Promotion bazibophezele ukuthi baqhathe izimpi zabo eMtshezi.
Lokhu bekulandela ukuthi izimpi zabo zokuqala kuleli dolobha ngoMgqibelo zibe yimpumelelo.
Ekhuluma neMpempe, uHlula uthe bakujabulele ukuqhatha izimpi ekhaya njengoba edabuka khona eMtshezi.
Uhamba kahle nomkhankaso weHlula Dladla Boxing Promotion wokuqoqa amabhande njengoba eseyisithupha ekubeni isungulwe ngonyaka odlule.
Kubashayisibhakela abaphethe amabhande ngaphansi kwalesi sitebela kukhona uTracias Mhlumayo ophethe amabili njengoba eneleWBF International neleseifundazwe iKwaZulu-Natal.
Kukhona uBathabile Ziqibu ophethe eleWBF International, uGcina Makhobe yena uneleWBF International, uMxolisi Zuma naye uneleWBF International.
Wonke lamabhande eWBF awezigama ezehlukene.
UHlula Dladla ubonakala efuna ukuba uDon King waseKZN ngenxa yokuqhatha izimpi ezinohlonzo futhi eziba sezingeni eliphezulu.
Khonamanjalo, uMxolisi Zuma unqobe ibhande leWBF International egingqa u-Awonke Kini ngomcacamezelo womlalisa phansi emzuliswaneni wesine.
FUNDA NALA: UMnisi uthembe ‘induku’ eyimfihlo azobuyiba ngayo iMarumo
Umfo kaMsholozi uthe leli bhande alinqobile elokuhlonipha uyise osanda kudlula emhlabeni.
