Ulethe umdlalo omusha iTripple 3 Soccer kuleli uDuduzani Zuma
Alfred Ngubane
UDuduzani Zuma usethule umdlalo omusha kuleli kodwa osudumile emazweni aphesheya kwezilwandle obizwa ngokuthi yiTriple 3 Soccer . UDuduzani uxoxisane neMpempe wathi lo mdlalo uwufake kuleli ngenhloso yokuqala umdlalo ohlukile kubantu abasha.
“Mina ngidlale imidlalo eminingi efana nebhola lezinyawo, isibhakela, nokubhukuda…,” kusho uDuduzani.
Le midlalo yakhe yeTriple 3 Soccer iqalwe ukudlalwa ngokusemthethweni khona eThekwini, eNewlands yadlulela eGateway eMhlanga lapho amaqembu abebanga isiteki sikaR20 000.
Ngokusho kukaDuduzani le midlalo izodlulela nakwezinye izifundazwe ngoba ufisa igcine isezingeni likazwelonke.
Abalandeli kade bephume ngobuningi ukuzothamela le midlalo noma isimo sezulu besingesihle kodwa badela amakhaza.
FUNDA NALA: Ucu alusahlangani kuMahlatsi neKaizer Chiefs
Kuzokhumbuleka ukuthi uDuduzani ngumuntu ozithandelayo ezemidlalo ezahlukene njengoba uhlale ehambela nemigqudelwano yesibhakela.
