Ithemba ngenkundla yasekhaya kwiRichards Bay
Alfred Ngubane
Imeya yaseMhlathuze uXolani Ngwezi isithembise ukuthi kuzoshaya uDisemba inkundla yezemidlalo elungiswayo, iMhlathuze Sports Complex isiqediwe.
Le nkundla ibimumatha abalandeli abangu-5 000 phambilini kanti manje lesi sibalo sizonyuka njengoba isizokwazi ukuthwala abangu-9 000.
Ibisetshenziswa yiRichards Bay ngesikhathi isadlala kwiMotsepe Foundation Championship.
Kodwa kuthe leli qembu selinyukele kwiDStv Premiership, iPSL yangayiphasisa ukuthi kudalelwe kuyo imidlalo yalesi sigaba.
Lokhu kwaphoqa iRichards Bay ukuthi isebenzise inkundla iKing Zwelithini Stadium eseMlazi njengenkundla yasekhaya.
Lokhu kwengeza izindleko kuleli qembu kanti nabalandeli alibatholi ngendlela elalibathola ngayo eMhlathuze.
Leli qembu kuvele ke kunezinkulumo zokuyho lidonsa kanzima ezimalini kwazise alinabo nabaxhasi.
Ekulungisweni kwale nkundla, akuzusizakala iRichards Bay nje kuphela kodwa nabazokusubatha kule ndawo yaseMhlathuze.
FUNDA NALA: UKatsande neseluleko esibalulekile kuMthethwa weChiefs
Namalungu omphakathi athanda ukuzivocavoca azokwazi ukyisebenzisa. Izophinde ibe nenkundla yomdlalo wokuspina izimoto.
