ISundowns iqhathwe neTP Mazembe kwiChampions League

IMamelodi Sundowns iqhathwe kuGroup A neTP Mazembe yaseDemocratic Republic of Congo namaqembu amabili amasha kulo mqhudelwano, iPyramids yase-Egypt neNouadhibou yaseMauritania.

ISundowns ibheke ukuqeda emaqenjini amabili aphezulu kuleli qoqo, okuyinto esiyenze amahlandla ayisithupha kumasizini ayisikhombisa edlule. 

Leli qembu laseTshwane linqobe le ndebe yeCaf Champions League ihlula iZamalek yase-Egypt kowamanqamu ngo-2016.

Kubukeka kuyiqoqo elingenzima leli kwiSundowns yize ukuthi lawa amanye amaqembu masha kulo mqhudelwano kungaba yinselelo.

IJwaneng Galaxy ekhiphe i-Orlando Pirates yakuleli kulo mqhudelwano esigabeni sokuhlunga, yona iqhathwe eqoqweni B.

Nakhona akulona iqoqo ebelizoba nzima kwiPirates uma ubheka amaqembu akuleli qembu.  

Amaqembu amabili aphezulu eqoqweni ngalinye yiwo azodlulela esigabeni esilandelayo. 

Iqoqo A:  Mamelodi Sundowns (RSA), Pyramids (EGY), TP Mazembe (COD), Nouadhibou (MTN)

Iqoqo B: Wydad Casablanca (MAR), Simba (TAN), ASEC Mimosas (CIV), Jwaneng Galaxy (BOT)

Iqoqo C: Esperance (TUN), Petro Luanda (ANG), Al Hilal (SUD), Etoile Sahel (TUN)

FUNDA NALA: UNcikazi ukhipha ‘iqiniso’ ngokuzuza kweSundowns konompempe

Iqoqo D: Al Ahly (EGY, holders), Chabab Belouizdad (ALG), Young Africans (TAN), Medeama (GHA).