Okusha ngecala lika-Andile Jali neSwallows

Icala lika-Andile Jali abelibeke iMoroka Swallows efuna ukuba imbuyisele emsebenzini futhi imkhokhele izimali emkweleta zona selichithiwe yikomidi lePremier Soccer League elixazulula imibango. 

U-Andile Jali uye kuleli komidi, iDispute Resolution Chamber, ngeledlule ngoba efuna kuphoqwe  iqembu ukuthi likhokhe imali eliyikweletayo futhi limvumele ukuthi abuyele emsebenzini. 

ISwallows idedele u-Andile Jali ngemuva kwesiteleka esingekho emthethweni sangoDisemba, nokwaholela ekuhoxisweni kwemidlalo nesigwebo esinzima eqenjini. 

Yize abanye abadlali bebuyile abanye behamba kodwa uJali uqoke ukufaka udaba lwakhe kuleli komidi. 

Kodwa-ke i-DRC isilichithile leli cala futhi iyalele uJali ukuthi akhokhele zonke izindleko zokuhlala kwalo. 

Njengoba isizini iqala umzuliswani wesibili maduze, uJali nethimba lakhe labammeli banezinqumo ezinqala okumele bazithathe. 

Ikusasa lakhe kwiSwallows, lapho esayine khona inkontileka yonyaka enombandlela wokuvuselela, libukeka lifiliza.

Sekuvele kwaba luvindi kakhulu ngoJali kwiSwallows kulandela isinqumo sakamuva seDRC. 

FUNDA NALA: Okwenza uMahlasela abone bezoyibhubhisa ngenduku iChiefs

Imibiko ithi iSwallows isisayinise abadlali abasha abayisikhombisa, kanti uMusa Nyatama kulindeleke ukuthi athathe isikhundla somqeqeshi.