Iqale kahle iTrouble Makers koweDurban Afcon

I-18 Trouble Makers FC, ivule kahle esigabeni samaqoqo kwiDurban Afcon 2024 Youth Football Tournament, ishaya iYoung Stars ngo 3-0.

Iphinde yashaya neqembu lasendaweni ngo 5-0 kule midlalo ebiseMontclair Soccer Fields.

Lona bekungumdlalo wabo wokuqala kwiDurban Afcon Cup eThekwini.

Umqeqeshi we-18 Trouble Makers, uMqondisi uzwakalisa ukujabula nokumangala ngendlela abadlali bakhe abadlale kahle ngayo kule midlalo emibili.

“Ngicela ukuqala ngibongele iqembu i-18 Trouble Makers FC ngokuzimisela kusukela ekulingiseleleni lo mdlalo nokudlala ngokuzimisela emdlalweni.

“Akulula ukuba neqembu, bonke abaqeqeshi bangangifakazela, ikakhulukazi ukuba umqeqeshi omncane.

“Kuza nezinqinamba eziningi, ngakho-ke imiphumela ekanjena yenza ukwazi ukulala nasebusuku,” kusho uMqondisi.

Ngenxa yale mpumelelo yalemidlalo, i-18 Trouble Makers FC igwinye amaphuzu ayisithupha kulo mqhudelwano.

Isilindeleke ukuthi iqhubeke izimisele njengoba izoqhubeka idlale kulo mqhudelwano, ilwela ukunqoba indebe.