BUKA: UThabiso uthembisa ingcwenga yesibhakela
SIHLE NGUBO No-ALFRED NGUBANE
UThabiso “The Rock” Mchunu uthi usemi ngomumo ukungqimuzana noYamil Alberto Peralta wase-Argentina, e-Olive Convention Center, eThekwini, ngoLwesihlanu ebusuku.
Laba bashasibhakela bazotholana phezulu bebanga ibhande leWBC, kanti ozonqoba uzozicabela indlela yokuyolwela iWBC Gold.
Leli yithuba elihle lokubuyisa isithunzi kuThabiso Mchunu oseke wahlala isikhathi eside engalwi.
Lo mshayisibhakela ugcine ukungena eringini ngesikhathi eshaywa ngu-Ilunga Makabu bebanga iWBC cruiserweight ngoJanuwari ka-2022.
“Sizobe silwela ibhande leWBC okuyisicoco esikhulu emhlabeni,” kusho uThabiso Mchunu esithangamini nabezindaba.
“Yonke into ibilokhu ihamba kahle. Senze konke ukulungiselela impi futhi ngikulungele ukungena eringini.
“Le mpi izosibuyisela ezilinganisweni. Ngemuva kokuwina sizothola ithuba elihle lokulwela iWBC Gold, eyisicoco esikhulu emhlabeni.
“Nginxusa abantu ukuthi beze ngobuningi babo bazoseseka. Baningi abashayisibhakela abazobe belwa kulo mqhudelwano.
“Lapha sibala abashayisibhakela abafana noThulani Mbenge. Sicela abantu bathenge amathikithi bazobuka, sithembisa izimpi ezimnandi.”
FUNDA NALA:Â Uvume iphutha lendlela ashiya ngayo iChiefs uDithejane
Amathikithi alezi zimpi aqala ku-R100 umuntu eminye. Buka nansi ividiyo ngezansi:
