IChiefs iyamchitha umgadli ebidayiselwa yena
IKaizer Chiefs kubikwa ukuthi isinqume ukungaqhubeki nokuthenga umgadli ebimbolekile ngenhloso yokumbonela eduze bese imthenga.
Kodwa njengoba uJasond Gonzalez ehlulekile wukuzibonakalisa kuleli qembu laseNaturena, ngeke iChiefs isaqhubeka nezingxoxo ozokuthengiselana.
Ngokubika kwe- iDiski Times, iChiefs ikhethe ukungamniki uGonzalez inkontileka entsha uma kuphela isivumelwano sokubolekana ngoJuni.
UGonzalez ujoyine iChiefs ebolekiswe yiqembu laseBolivia iReal Santa Cruz ngo-Agasti ka-2023 ngenhloso yokuqinisa phambili.
Bekunesivumelwano sokuthi uma iChiefs ichazeka nguyena, izodayiselwa yena uma sekuphela isivumelwano sokudayiselana.
Yize imali ebizomthola ngayo incane uma ubheka ukuthi ngumdlali wangaphande, iChiefs ikhethe ukuwugcina u-R3.4-million wayo kunokuwukhiphela lo mdlali.
Lesi sinqumo sisukela ekuhlulekeni kukaGonzalez ukufeza abekulindele kusukela ejoyine leli qembu.
Yize esedlale imidlalo engu-12 kodwa lo mgadli oneminyaka engu-24 akakalishayi igoli.
Ngaphambi kokuza kwiChiefs, uGonzalez ukhombise ukwethembisa uma ephambi kwepali, eshaya amagoli ayisishiyagalombili emidlalweni engu-15 kwiReal Santa Cruz.
FUNDA NALA: Ufunwa phesheya osekhathele wukuntuntiswa yiDowns
Lesi sigaqagaqa somdlali sizobuyela kwiReal Santa Cruz ekupheleni kwesizini.
