Umgadli waseBurkina Faso ubangwa yizinkunzi zakuleli
Izinkunzi zebhola lakuleli, iMamelodi Sundowns, iKaizer Chiefs ne-Orlando Pirates zisembangweni oshisayo wokusayina umgadli waseBurkina Faso.
Izidaba zokuthi lamaqembu okuyiwona amakhulu kuleli afuna lo mgadli zivezwe ngomunye wabasebenza eqenjini adlala kulo.
Lo mgadli, uStephan Aziz Ki uzakhele igama kuleli ngegoli elihle alishaya iYoung Africans ibhekene neSundowns emdlalweni weCaf Champions League.
Nokho leli goli lakhe laphikwa, kwathiwa ibhola aliweqamba umugqa kodwa akwangabhekwa ngeVAR ukuthi ngabe aliweqanga ngampela yini.
Indlela adlala ngayo sekuvela ukuthi yashiya lamaqembu akuleli engawuvali umlomo futhi abe esenyonyoba eyomfuna.
Nokho okuthiwa seliqhamuke ngokusemthethweni ukuzocela ukudayiselwa u-Aziz Ki yiSundowns.
“Usihlalo weMamelodi Sundowns, uThlopie Motsepe usexhumane nenkampani iZambro Sport Management eemenja umgadli weYoung Africans, uStephan Aziz Ki,” kubhala u-@Privaldinho kwi-X.
“Inkontileka kaStephan Aziz Ki izophela ngoJuni 2024, kodwa izingxoxo zokuvuselela kwiYanga SC no-Aziz Ki ziyaqhubeka.
FUNDA NALA: URamovic ulokhu emoyizelela iChiefs, ufisa imshele?
“Kodwa-ke amaqembu afana ne-Orlando Pirates, Al ahly, Kaizer Chiefs nePyramids asevelile ukuzobuza ngalo mgadli weYoung Africans.”
