I-Pirates ikhombe indlela umdlali engasamdingi

SIHLE NGUBO 

I-Orlando Pirates imkhululile obengumdlali wayo uLesedi Kapinga obeselizwa ngendaba ijezi.

Lo mdlali kufanele ukuthi abanye abalandeli beZimnyama bebengazi nokuthi ukhona kuleli qembu selokhu afika evela kwiMamelodi Sundowns.

KuBafana Ba’Style wayefike ngo-2020 esuka kwiBlack Leopards. UKapinga, oneminyaka engu-29, akazange alithole ithuba lokuzibonakalisa ngaphansi komqeqeshi uJose Riviera.

Njengoba sekuseduze kuvalwe iwindi lokuhwebelana ngabadlali iPirates kulindeleke ukuthi ithathe isinqumo ngabanye abadlali.  Kulabo badlali kukhona uZakhele Lepasa naye oseqiwa yijezi.

Omunye umdlali okungacaci ukuthi kwenzekani ngaye kwiPirates ukaputeni u-Innocent Maela, ongasavamisile ukuqala imidlalo. Umdlali ohamba phambi kwiBucs kwesokunxele emuva, uDeon Hotto.

IBucs izodlala umdlalo wokuqala weBetway Premiership lapho izobhekana neChippa United e-Orlando Stadium, ngoLwesithathu ngo-7.30 ebusuku.