OweSharks neBulls kwi-URC, uzonika abalandeli uKhisimusi ungakafiki
SIHLE NGUBO
Kulindeleke umdlalo oshubile womkhaya uma sekutholana phezulu iHollywoodbets Sharks neVodacom Bulks emdlalweni weVodacom United Rugby Championship, eKings Park Stadium, eThekwini, ngoMgqibelo ngo-6 ntambama.
Umqeqeshi weSharks, uJP Pietersen, akalishintshanga kakhulu iqembu elishaye iSaracens ngempelasonto edlule.
Ushintshe izindawo ezidlalwa abadlali njengoba uJordan Hendriks beshintshane ngezindawo noGeorge Whitehead kwi-flyhalf, kwathi uHakeem Kunene wangena endaweni ka-Aphele Fassie, ophume enkundleni eseshayeke ekhanda ngeledlule.
Iqembu likaPietersen lizoya kulo mdlalo linokuzethemba okukhulu, kulandela ukushaya iSaracens ngo 28-23 kwi-Investec Champions Cup.
Ngakolunye uhlangothi iBulls izofika eThekwini ishayela phansi ngemuva kokushaywa kabili kulandelana.
Leli qembu lasePitoli lishaywe yiBordeaux ngo 46-33 ekhaya, laphinde lathola isibhaxu sika 50-5 kwiNorthampton.
Ukunqoba kweSharks kompetha be-Investec Champions Cup, kuzobanika ukuzethemba okukhulu ngaphambi kokubhekana nezimbangi zayo ezindala iBulls.
“Ukunqoba kuhlale kubalulekile, kukunika ukukholelwa kuwena,” kusho uPietersen owayeyibamba kwiSharks namaBhokobhoko.
“Kukunika into ongasebenzela kuyona, ukugqgquzeleka nokuzethemba uma uya emdlalweni olandelayo.”
“Siyazi ngeke kube lula sesibhekene neBulls, nabo balangazelele ukunqoba, kodwa yinto ezoba yinselelo enhle.”
Amathikithi alo mdlalo asedayise aphela, nokwenza kulindelwe umdlalo ovuthayo ngaphambi kokuthi abalandeli bayothokozela uKhisimusi ngesonto elizayo.
Iqembu limi kanje:
1. Phatu Ganyane
2. Bongi Mbonambi
3. Hanro Jacobs
4. Jason Jenkins
5. Emile van Heerden
6. Siya Kolisi
7. Vincent Tshituka
8. Phepsi Buthelezi
9. Grant Williams
10. Jordan Hendrikse
11. Makazole Mapimpi
12. Andre Esterhuizen (C)
13. Ethan Hooker
14. Edwill van der Merwe
15. Hakeem Kunene
Ebhentshini:
16. Eduan Swart
17. Lee-Marvin Mazibuko
18. Mawande Mdanda
19. Marvin Orie
20. Matt Romao
21. Nick Hatton
22. Jaden Hendrikse
23. George Whitehead
