Isililo kushona u-Alex Shakoane weMamelodi Sundowns

By Sbongs Gumbi

Omunye wezikhulu zeMamelodi Sundowns u-Alex Shakoane ushone ngoMsombuluko ekuseni kulandela ukugula isikhashana.

Lezi zindaba ezimbi zimenyezelwe yiSundowns ngoMsombuluko ezinkundleni zayo zokuxhumana. 

“U-Alexy Shakoane ubeyithanda iMamelodi Sundonws futhi ube yisisebenzi sebhola esethembekile eMamelodi, eTshwane naseNingizimu Afrika yonkana. 

“Ubelokhu ekhona kwiSundowns kusukela ngasekusungulweni kwayo ngeminyaka yo-1970,” kusho iSundowns esitatimendeni. 

“Impilo kaBra Alex beyizungeza kwiMamelodi Sundowns futhi uzokhumbuleka kakhulu ngendlela abeyiyo eqenjini. 

USihlalo weSundowns uTlhopie Motsepe yena uteh: “Umndeni wakwaMotsepe, ibhodi elengamele iqembu, abalandeli nawo wonke amalungu eMamelodi SUndowns alimele emoyeni ngokushona ngokuzuma kuka-Alex.” 

Eminye imininingwane ngalolu daba izobuye ikhishwe ngokuhamba kwesikhathi. 

Namanye amaqembu afana neKaizer Chiefs asedlulise amazwi enduduzo kwiSundowns nomndeni ka-Alex Shakoane. 

FUNDA NALA: UPaseka Mako uthi bebephindiselela abalandeli kwiChiefs

“IKaizer Chiefs idlulisa amazwi enduduzo aphuma ekujuleni kwenhliziyo kwiMamelodi Sundowns nomndeni wakwaShakoane ngokudlula emhlabeni kuka-Alex Shakoane. 

“Ubengumuntu osheshayo ukubonakala futhi wenze okuningi ebholeni lakuleli. Uzohlezi ekhumbuleka.”